Pichka puncha kulla killapi yuyarinakunmi Ecuador mamallaktapak killkaywillaykunapak punchata. Kay yuyariy punchataka kamachik atiymi willachirka, kanchis puncha karway killa shuk waranka iskun patsak iskun chunka ishkay watapi, Eugenio de Santa Cruz y Espejo ushay kamay kachaririypi may sumak unancha hatariyta ruraymanta, paymi Primicias de la Cultura de Quito willay killkayta wiñachik karka chayka pichka puncha kulla killapi shuk waranka kanchis patsak iskun chunka ishkay watapi muyuy kallarishka.
Chunka kimsa puncha panchi killapika pachamamapa ankiyachik punchtami yuyarinkuna, ONU hatun tananakuymi ishkay waranka ishkay chunka ishkay watapi willachirka, ankiyachikka, kunan kunanka, may kushiyachik chanik unancha willachikmi, kunan mushuk patsakwatakunapi yapami may sumak mushuk yachaykuna willay ukupika wiñarishkakuna.
Ishkay chunka shuk punchapi panchi killapika pachamamapi kikin shimi rimay kashka punchatami yuyarinkuna chaywanka pachamamapi tukuy sami rimay shimikuna tiyaktami wakaychishka chanishpa rimanakushpa kawsay paktayta kankuna. Ishkay waranka kanchis watapi tukuy mamapachakunapak hatun tantanakuy chay punchata yuyarichun willashkakuna, ishkay waranka watamanta yuyarishkakuna shinapash ONU tantyanakuyta killkakkamayuk Kofi Annan, hatun chimpapuranakuy tantanakuy rinakuypi yanaparka ari ninakushpa willanakuchun.
Watanpi, chuskuniki hunkay kullka puncha ayriwa killapi, tukuy pachamamapi warmikuna wawa warmikunapash anki willay hillay kaktami yuyarinkuna. Kay yuyarinakuyka pachamamapak rikuriy wiñay kanchis chunka hatun pachamamapi ushay kamay chimpapuray tantanakuypi arininakushkami karuyariy willay UIT wiñachinkapak purichikmi warmi wawakuna karikunapash kay willay anki killkay rimaykunapi tantariy yachayman shinallatak hatun yachaykunamanpash chayachun TIC.
Shuk waranka iskun patsak iskun chunka kimsa watapi, kimsa puncha aymuray killa, shukyaypika, pachamamapi kachaririy killkaywillay puncha kashkatami willachirkakuna, mamapachapak hatun tantariypi tantarishkakuna UNESCO minkaykunata rurashkata katishpa. Kay yuyayriytaka akllashkakunami Windhoek yuyariy willaywan paktariychun, chaypika Africanos yana runakunapak willaykunata rurakkuna chaypi kachun shinallatak UNESCO Namibia llaktapi tantanakuy rurashkapi karkakuna, shuk kamak pankakunata rurarkakuna willaykillkaypa kacharishka paktakunata hapinakushpa.
Chunka kanchis puncha aymuray killa, yuyarinchimi willay rikuchik shinallatak willachik ayllukunapak puncha kashkamanta, kay punchataka riksichinmi alli llankaykunata charichun kunan pacha willachiku (TIC) kayka alliyachinmi ayllukunata shinallatak kulliki kunan pacha willachikunapi taririkkunapi.
Pichka puncha kuski killa, riksichinmi shuk hatun puncha kashkata willachik pushakunaman. Kay punchata ONU riksichinmi pachamamapi rancio kuyuri willakkunapak punchata yuyari, kay hatun punchata wiñachishkami willachik mashikuna riksirishka kachun.
Chusku hatun tantanahuy Organización Mundial de Periodistas (OIP) nishka rurakpimi riksichirka pusak puncha kuski killa kanmi pachamamapi willachikunapak puncha yuyari. Kay punchatka ruranmi yuyarishpa hatun pushak Julius Fucik killkakatin shinallatak willak paypak mamallaktapi kashkamanta, paytaka shuk waranka isku pastak chusku chunka kimsa watapimi wishkana ukuman aparka.
Tukuy watapimi yuyarin chunka puncha kuski killa pachamamapi yuyaykamayta wiñachishkamanta, kay hatun punchataka yuyarinmi makanakuypi Italia ayllukuna sinchiyarishpa wichiman llukshichirka, ama Francés ayllukuna kichuchun.
UNESCO yuyarinmi ishkay chunka pusak kuski killata pachamamapi hatun sumak yachayman chani punchata wiñachishkamanta, kay punchataka wiñachirkami chanita ayllukuna charichun kay kunan pacha willaykunaman charichun, shinallatak ama makanakuykuna mamapachapi tiyachun.
Ayllukuna hatun tantanahuypi kashkakunamanka (WEF) ishkay chunka iskun puncha kuski killa riksichinmi willay hillay puncha wiñarishkata, kaytaka wiñachinmi alli willachik shinallatak alli willaykunata yanapachinkapak. Kay sumak puncha alliyachinmi ima willaykunata alli chaskata shinallatak mayhankunata riksinakanchi.
Ishkay chunka chusku puncha wayru killapi, willay wiñari punchatami yuyarinchi, chasnami Naciones Unidas riksichirka. Kay punchataka wiñachinmi willaykuna kachun shun sichiyachik shinallatak ama ima rimaykuna mamapachapi tiyachun.
Hatun tantanahuy tukuy ayllukunaman shinallatak mamallaktakunaman ari nirkami ishkay kanchis chunka wayru killa, yuyarishkakachun uyay ñawiri unacha puncha kashkata, chinallatak, rikuchik, karu yari, karu rikuy, sumak uyari, rikuchi Ñukanchik ñawpa ayllullaktakunapak, pachamamapak alli kawsaykunata yuyarishpa kawsankapak.
Hatun tantanahuy Naciones Unidas ari nishpami sakirka ishki puncha sisa killa yuyarishka kachun mamapachapi willakkunapak mana alli kamachik rurayta tukuchina punchata, kay chinitaka tukuy mama llaktakunami allichinakarka shuk hatun llankayshinata.
Ishkay chunka shuk sisa killa yuyarinchimi karu rikuy ankiyarita puncha kashkata, kay punchata wiñachinkapakkta ONU nishkami ari nirka shuk waranka iskun pastak iskun chunka sukta punchapi, kayka yuyarishaninmi imashina willachikkuna kan shuk alli ñan ñukanchik ayllukunaman.
Tukuy kay punchakunata allimi kan tukuy ayllukuna paykunapak kaparita riksichichun, kaytaka alliyachinmi OIME ashtawan mana alli willaykunata shinallatak kutishuk mana alli rikuchikunata chinkachishpa katik.
Rurak, Saúl Latacunga, Universidad Técnica de Cotopaxi yachakuk.
